Makedonskata muzička legenda Gjorgje Vasilevski – Džoksi, vo ramkite na odbeležuvanjeto na golemiot jubilej „50 godini život so muzika“, v ponedelnik na 26-ti oktomvri, premierno ḱe ja pretstavi novata, kompletna verzija na svojata poznata kompozicija „Ljubovta e“.
Ovaa bezvremenska balada sega dobiva sosema nova energija i muzička atmosfera preku vokalnata sorabotka so ušte dve kultni iminja na makedonskata scena – Miki Jovanovski Džafer i Dario. Zad aranžmanot i produkcijata stojat dokažanite majstori na svojot zanaet, Valentino Skenderovski i Tomče Bojadžieski.
Oficijalnata audiopromocija i druženje so mediumite ḱe se održi na 26 oktomvri (ponedelnik) vo „Beer Garden“ – Debar Maalo, so početok vo 12:00 časot. Od timot napomenuvaat deka nastanot ḱe se snima, a soodvetni kadri od samata promocija ḱe bidat iskoristeni za oficijalniot videospot na pesnata.
Po povod ovaa promocija, Džoksi ja spodeli avtentičnata i emotivna prikazna zad pesnata, koja ja prenesuvame vo celost: „'Ljubovta e’ ima prikazna što trae poveḱe od dve decenii. Ja napišav vednaš po ‘Zlatni žici’, so koja nastapiv na izborot za makedonski pretstavnik na Evrovizija. Ponesen od toj tvorečki zanes, mu ja predloživ na Miki Jovanovski Džafer. Imavme i rabotna sredba, no poradi splet na okolnosti sorabotkata togaš ostana nedovršena. Pesnata go dočeka svoeto prvo festivalsko pretstavuvanje na Makfest vo 2018 godina, vo moja izvedba. Za nea snimiv i videospot vo Zagreb i Dugo Selo, so hrvatskata produkciska kuḱa ‘Dugoselangeles’. Sepak, festivalskata verzija beše skratena za dve strofi poradi vremetraenjeto. So novata verzija gi vraḱame i niv, a so toa i celosnata prikazna na pesnata. Toa mi e osobeno drago i poradi Ognen Nedelkovski, avtorot na tekstot, komu teško mu padna togašnoto skratuvanje. Veruvam deka sega mu ja vraḱame nasmevkata, zatoa što sekoj stih povtorno go dobiva svoeto mesto. Denes, so Miki Jovanovski Džafer i Dario, vo sorabotka so Valentino Skenderovski i Tomče Bojadžieski, ì davame nova energija. Za mene, ova e i ostvaruvanje na edna odamnešna želba – pesnata konečno da go dobie oblikot što dolgo go nosev vo sebe. Tekstot i muzikata zaedno zaokružuvaat eden ljuboven krug, a sekoj od nas vnesuva svoe čuvstvo vo interpretacijata. Kako ḱe dopre toa do slušatelite, najubavo e da kažat samite. Mojata želba e da ja slušnat so otvoreno srce i vo nea da pronajdat nešto svoe. „Ljubovta e“ e del i od edna poširoka tvorečka prikazna so koja odbeležuvam ‘50 godini život so muzika’. Planiram vo proektot da se vklučat dvaeset naši pejači i instrumentalisti, a za sekoj od niv imam izbrano po edna svoja pesna. Me raduva možnosta tie pesni da dobijat poinakov izraz preku senzibilitetot na moite kolegi. Sledna e duetskata sorabotka so Aneta Ljumakovska, so pesnata ‘Kapka kapinaše’ (i ovaa pesna ima svoja prikazna), koja planirame da ja realizirame do krajot na godinava. Vi blagodaram za poddrškata i za prostorot što ì go davate na ovaa muzička prikazna da stigne do publikata. Taka, čekor po čekor, sozdavame novi muzički sredbi i nov život za pesnite“, istakna Džoksi.
Organizatorite so zadovolstvo gi pokanuvaat mediumite, kolegite i prijatelite v ponedelnik vo Debar Maalo zaednički da go odbeležat početokot na ova novo poglavje.
Biba KRNČESKA
