Prikaznata narečena „Makedonijo, vo srce te nosime“ prodolžuva da pulsira vo istiot ritamot so ušte edna moḱna izvedba – ovoj pat toa e bezvremenskata patriotska tema „Neka živej Makedonija“, poznata i pod originalniot naziv „Ima edna zemja sonce što ja gree“, sega otpeana od Suzana Spasovska.
Kompozicijata, čii stihovi se dlaboko vrežani vo narodnata svest i ljubovta kon tatkovinata, e delo na renomiraniot avtor Grigor Koprov, a prvično ja otpea legendarniot Goce Nikolovski vo dalečnata 1986 godina.
Novata verzija, sozdadena so vrvna muzička produkcija od Nikolče Micevski, pretstavuva spoj na tradicijata i sovremenoto. „Ima edna zemja sonce što ja gree, odi tamu, v’ srce zemi ja, slušni večna pesna tamu što se pee:
Neka živej Makedonija!“… se veli vo stihovite koi se živ dokaz za ljubovta što makedonskiot narod ja neguva kon svojata zemja i tie ne se samo zborovi, tuku večen zavet na pripadnost, splotenost i sila.
Proektot „Makedonijo, vo srce te nosime“ e poveḱe od muzika – toj e patriotska misija, kulturno budenje i zvuk na nacionalnoto edinstvo.
Pod umetnička zakrila na Skenderovski produkcija, Makedonija se boi so najubavite boi – zvucite na avtentičnata makedonska pesna.
So voshit i počit kon korenite, ovoj proekt dosega ja presozdade emocijata na nekoi od najmoḱnite kompozicii: „Ne kažuvaj libe dobra noḱ” (Ognen Zdravkovski), „Kako pirej” (Lambe Alabakovski), „Se sobrale komitite” (Mile Kuzmanovski), „Kako što e taa čaša” (Spasen Siljanoski) „Ja izlezi stara majko”(Marija Spasovska), „Po drum odam majče“ (Mina Blažev), „Gorda Makedonka“ (Zuica Lazova) i „Zapejte site angeli“ (Bojana Skenderovski). „Makedonijo, vo srce te nosime“ e glasot na narodot, inspiriran od našite predci, sozdaden za generaciite što doaǵaat, most meǵu vreminjata, emocii vpišani vo sekoj akord, zatoa uživajte vo „Neka živej Makedonija“ i glasot na Suzana Spasovska…
Biba KRNČESKA
