Ako vikendov patot ve nosi kon jugot, sledete go mirisot na tradicijata. Od utre, 09 pa sè do 11 oktomvri, Bitola nema da bide samo gradot na konzulite i klavirite – taa stanuva prestolnina na vkusovite. Na golema vrata, direktno na ploštadot „Magnolija“,započnuva prvoto izdanie na „Čkembe Fest Bitola 2026“.
Zad ovaa ideja, spakuvana pod moḱnoto moto „Od kotleto na tradicijata do idninata na gastronomskiot turizam“, stojat entuzijastite od združenijata„GURMAN PLUS“ i „ESNAF“, so silen veter vo grb od Opština Bitola. Nivnata misija e ednostavna, no ambiciozna: da go zemat ona što so vekovi se krčkalo vo bitolskite kujni i da go pretvorat vo moderen brend koj ḱe privlekuva turisti od celiot Balkan.
PRVATA „LAŽICA“ SE KREVA VO KINO „MANAKI“
Sè započnuva utre, petok, vo 11:00 časot. Novinarite i kulinarskite kritičari ḱe se soberat vo kultnoto kino „Manaki“ na Širok Sokak, kade na oficijalna pres-konferencija organizatorite ḱe gi otkrijat site karti. Tamu ḱe se debatira i na seriozna tema – tribinata „Balkanskata kujna – tradicijata i tendenciite vo turizmot i ugostitelstvoto“ ḱe se obide da odgovori kako babinite recepti možat da stanat profitabilen turistički proizvod.
A vednaš štom ḱe završi teorijata, akcijata se seli na ulicite.
NATPREVAR VO KRČKANJE, ČARŠISKI MUABETI I ESTRADA
Vo slednite tri dena, Bitola ḱe diše kako edno golemo semejstvo. Ona što go pravi ovoj festival poinakov e spojot na nekolku svetovi:
• Golemiot gastronomski duel:Najdobrite majstori na kutlačata ḱe gi vkrstat silite vo podgotovka na avtentično čkembe. Receptite se čuvaat kako najstroga tajna, a žirito ḱe ima teška zadača.
• Saem na vkusovite: Najdobrite bitolski hoteli, restorani i lokalni proizvoditeli ḱe go postavat svojot „sofra-arsenal“ na ploštadot.
• Bitolski merak na otvoreno:Gastronomijata ne odi bez pesna. Zabavata e zagarantirana so bogata muzička programa vo koja ḱe nastapat poznati estradni umetnici, čaršiski muzički sostavi i folklorni ansambli.
POVEḰE OD HRANA – KULTUREN KOD
„Čkembe Fest“ ne e samo običen vikend-nastan za jadenje i pienje. Ova e obid da se začuva bitolskiot kulinarski kod vo vreme na brza hrana i globalizacija. Organizatorite sakaat da dokažat deka poznatoto bitolsko gostoprimstvo i tradicionalnite vkusovi možat da ponudat vrvno „vkusno“ doživuvanje za domašnite i stranskite posetiteli.
Bitola e podgotvena. Kotlite se čistat, lažicite se spremaat.
Od utre, Širok Sokak raskažuva edna nova, neodoliva prikazna. Bidete tamu.
Biba KRNČESKA
