Ovaa sabota (28 mart) Skopje ḱe bide domaḱin na dolgoočekuvanata sredba so Vesna Pisaroviḱ, koja po godini pauza konečno ḱe zastane pred makedonskata publika. Koncertot vo Filharmonija nosi posebna emocija i značenje, i ne samo poradi bezvremenskite hitovi što ḱe odeknat, tuku i poradi načinot na koj samata umetnica odluči da ì se oddolži na publikata.
Imeno, na nejzina inicijativa, vednaš po koncertot vo foajeto ḱe ima neformalno druženje so posetitelite; redok i iskren gest so koj saka da im se zablagodari na site što i po tolku godini pauza pokažaa deka nejzinata muzika sè ušte živee i deka kopneele za ovaa sredba.
Očekuvanjata za sabotniot koncert se večer ispolneta so emocii, bliskost i spomeni što ḱe se sozdavaat i nadvor od scenata, začineti so degustacija na kokteli i slatki iznenaduvanja.
Za skopskiot koncert Pisaroviḱ podgotvuva i posebni iznenaduvanja, odnosno najavi deka ḱe zapee i na makedonski jazik, kako dopolnitelen gest kon publikata, so što koncertot dobiva ušte pointimna i avtentična dimenzija.
Na scenata ḱe ì se pridruži i dolgogodišniot prijatel Vlado Janevski, so kogo osven kultnata „Ljubav je religija“ vo momentot što se očekuva da bide kulminacija na večerta ḱe izvedat ušte nešto što ljubomorno go krijat kako iznenaduvanje. Koncertot ḱe ponudi vnimatelno odbran repertoar od nejzinite najgolemi hitovi, spoeni so nova energija i poinakov, pointimen pristap što vetuva vistinsko muzičko doživuvanje.
I ušte edna važna informacija do publikata – nastanot ḱe se realizira vo malata sala na Filharmonija.
Biba KRNČESKA
