18 MART KAKO 8 MART JOCE PANOV KONCERTNO IM PODARI UŠTE EDEN PRAZNIK NA ŽENITE

Vistinska ženska armija od lojalni obožavatelki vo sredata ja okupira Makedonskata filharmonija, so cel da uživaat vo solističkiot koncert na Joce Panov, posveten tokmu na ženskata populacija vo mesecot na ženata. Vsušnost ovoj koncert beše posledovatelna tradicionalna sredba posle minatogodišniot osmomartovski, so koj Joce go odbeleža svojot jubilej, pa posaka taa oda na radosta so negovite obožavatelki da ja spodeli i godinava, no ovoj pat pomestuvajќi go za 18ti Mart, taman koga ženite ќe stivnat od proslavi, a povtorno ќe bidat vo forma za veselba, no ovoj pat onaka romantično so pesnite od šarmerot Joce, koi za volja na vistinata kroeni se baš po terkot na ženskiot senzibilitet.

Vsušnost so ovoj solistički koncert, Joce Panov se nadmina sebe si vo sekoja smisla, i kako profesionalec i kako pejač i kako domaќin na edno vistinsko muzičko uživanje, ne štedejќi go svojot potencijal, vereme pari i energija.

Golemata sala na Makedonskata filharmonija beše ušte posvečeno skocka i ispolneta do poslednoto mesto, a site prisutni zaedno so vleznicite dobija i voda Pelisterka, pa imaa i ubavo osvežuvanje na koncertot, a pokraj ubavite refreni od Joce, publikata ja dobi i negovata ljubov i emocija koja beše apsolutno opipliva vo tričasovnoto bezrezervno druženje.

Koncertot započna so temata “Ni Lj od ljubovta” festivalska pesna koja Joce ja ispolni na Skopskiot festival 2014, no se čini deka publikata mošne grleno ja poddrža ovaa pesna, kako da ne pominale celi 12 godini od kako e sozdadena, a potoa se redea “Nema žena kako tebe” posvetena na negovata sopruga,  pa potoa i najnovata “Ženo vistinska”, friško produkciski isporačana, kako i nejzinata srpska verzija “Nema me više”, taka što publikata možeše da uživa naporedno vo dvete verzii na pesnata koja zasigurno ќe bide hit.

No, pokraj ubavite pesni, baladi i hitovi  se čini najemotivniot moment beše posvetata i potsetuvanjeto na Sara Projkoska, prepoznatliv ženski vokal, što svoevremeno Joce go pridružuvaše na koncertite, no za žal tokmu pred godina dena nastada vo požarot vo diskotekata Puls vo Kočani, pa vo nejzina čest i vo spomen na site nastaradani od straotnata nesreќa, kako i vo spomen na roditelite na Joce, no i na negovite bliski sorabotnici koi ne se poveќe megju živite, toj ja izvede pesnata od Toše Proeski “Go molam noќva neboto da mi te vrati” i preku video kolažot ja potseti publikata na site dragi umenici što ostavija dela za večnost.

Ona što sekako ovoj koncert go napravi spektakularen pokraj, pesnite, energijata i vokalot na pejačot beše, grandiozniot orkestar od pedesetina instrumentalisti pod rakovodstvo na maestro Damir Imeri koj e svoeviden virtuoz i muzički genijalec, a negov prepoznatliv pečat noseše aranžmanskata prerabotka na spletot makedonski narodni pesni so džez i rege elementi, maestralno ukompanirani vo makedonskata meloritmika, koi na Joce mu “legnaa” kako tipičen pop izveduvač.

Posebno ubavo iznenaduvanje na koncertot beše pojavuvanjeto na Sale Tropiko na scenata i negovata duet uvertira so Joce, a potoa i solo-izvedbata na hitot “Sve moje zore”, koja publikata grleno ja peeše so gostinot što dojde specijalno vo Makedonija samo za koncertot na Joce i vednaš posle nastapot zamina za Belgrad, dokažuvajќi ja kolegijalnata počit koja ne poznava ni ograničuvanja ni granici.

Vtor specijalen gostin na koncertot beše makedonskoto grlo nenapeeno Naum Petreski koj ušte ednas briljiraše so svojot vokal i izvedbata na mega popularnata “Ne me čekaj Milice”, vo duet so Joce no i nivnata zaednička, duetska pesna, “Potroši”.

Naum čestitajќi mu na Panov, naglasi deka i toj ovaa godina ќe slavi 40 godišen jubilej, odnosno 60 godišen životen vek i 40 godišen profesionalen staž i ja najavi svojata slavenička godina.

Koncertot traeše dobri dva i pol časa intenzivno muziciranje, a muzičarite ne napravija ni najmala pauza, dodeka pejačot go iskoristi tajmingot za nastap na gostite, za da go promeni stajlingot vo koj dominiraa svetlite proletni boi.

Najsimpatičen moment beše pojavuvanjeto na sinčeto Luka  koe na scenata, pred publika go demostriraše nasledeniot talent od tato i ispea edna interesna portugarska pesna koja voopšto ne zvučeše lesno ni melodiski ni tekstualno, ama maliot dosledno i samouvereno ja izvede i najavi deka na nego vo idnina mora seriozno da se računa…

Ona što mene posebno mi se dopadna e fan faktot deka Joce Panov posle koncertot samoinicijativno se spušti megju svojata publika koja mu čestitaše i sakaše so nego da se slika, a potoa gi ispočituva mediumite za izjavi i intervjua.

Sepak doznavme deka podgotovkite za ovoj gala koncert pejačot poprilično go iscrpele i iako nikoj ne ja zabeleža negovata iscrpenost na scenata, sepak pred samiot početok toj bil prinuden da primil vitaminska infuzija za da go osveži svojot organizam, a potoa i maški go odraboti solističkiot nastap, dokažuvajќi deka e vistinski naslednik na starata pop – evrgrin skola, odnosno naslednik na golemite majstori na pop zvukot kako Kemal Monteno i Željko Samardžiќ, čii pesni često gi pee i na svoite nastapi.

Koncertnata zabava završi spektakularno so zvukot na trubači za koi bea zadolženi majstorite na peh muzikata Orkestarot Kantaurovski koi so Joce go izvedoa zaedničkiot hit “Vo tugjina” koja prozvuči latino-orientalno i predizvika vistinska euforija kaj publikata.

Na krajot ќe rečeme bravo Joce Panov, bravo za celiot negov tim, za site poddržuvači i prijateli koi go prepoznaa negoviot potencijal i so združeni sili mu pomognaa da napravi koncert za pametenje…

Biba KRNČESKA