Izminatata sreda ќe ni ostane dolgo vrežana vo seќavanjeto zatoa što kralot na pesnata, Mile Kuzmanoski, ni gi stopli srcata so pesnite izvedeni na negoviot dupli slavenički koncert, odnosno so odbeležuvanjeto na 35 godišnata bleskava muzička kariera i rodendenska proslava, koja se sluči vo prepolnata sala na Makedonskata opera i balet pred golem broj na negovi obožavateli, kolegi, političari, muzičari, rodnini i prijateli, koi so netrepenie go čekaa početokot na koncertot vo koj beše sublimirana tri ipol deceniskata estradna kariera na eden od poubavite boemski glasovi. No, mora da priznaeme deka Mile ne e samo glas, toj evidentno e svoeviden naš brend i markantna estradna ličnost koja beleži samo profesionalni podemi i mnogu golemi hitovi.
Iako se počna od “Ne kanime”, hitot za koj mislevme deka e teško da se nadmini, Mile uspea da ne demantira so “Se što pobarav od tebe Gospodi”, “Kral bez kruna”, “Neka ugasne”, “Zaigraj srce”, “Mesto ne me drži”, Špricer”, “Ej ogledalo”, “Da sme živi zdravi”, “Padni stani”, “Roman”, pa se do “Srce hrabro” i prepevot na “Nalej nalej” na koj mu dade svoj pečat. So eden zbor, avtentičen pejač i topol vokal koj dodeka go slušate vi ja topli dušata.
Solističkiot koncert od Mile go čekavme so netrpenie, zošto toj kao uvertira na novinarite ni otkri deka vo svoite redovi kako ekstra zasiluvanje ќe go ima Kamerniot Orkestar od Bitola i toa beše svoeviden apostrof koj ni predoči volšebna večer što ne smeeše da se propušti.
Vsušnost koncertot taka i počna, otmeno so muzičkiot voved na kamerniot orkestar Diva, koj beše strateški rasporeden na scenata i sekako so negoviot kormilar, dirigentot, koj apsolutno ja vladeeše materijata i ja vozeše euforijata do posledniot naklon, a Mile se pojavi na scenata ležerno i vednaš započna so pesna, ja otvori večerta so svojot “Roman”, a potoa ja pozdravi publikata i pomalku skromno otkri deka zaedno so slaveničkiot koncert odbeležuva i rodendenski jubilej, so što od start gi iznenadi site prisutni koi ne gi znaeja ovie detali. No zatoa pak na pejačot posebno iznenaduvanje mu priredi soprugata so video čestitkite od nivnite prijateli od celiot svet, a za toj moment go angažirala Spasen Siljanoski koj uspešno se snajde vo ulogata na medijator, zošto kako što reče Mile ќe gi kara i dvajcata zatoa što ne saka falenje i mnogu prikaski. Sepak, ovoj moment donese i edna bi rekla posebno emotivna dimenzija so obraќanjeto na negovata sopruga i trite ќerki, koi vo čestitkite ne ja krieja sreќata što tokmu Mile Kuzmanovski e niven soprug i tatko.
Se razbira deka seto ova go napravi koncertot ušte pointeresen, a svoevidno dopolnuvanje beše, slaveničkoto duvanje na sveќičkite na scenata kako i ubavite podaroci od obožavatelite, no i gromoglasnite aplauzi i horskoto peenje na publikata koja vo eden zdiv dišeše so Mile.
Svoevidno razgaluvanje ni priredi i pojavuvanjeto na makedonskata folk diva, Suzana Spasovska, koja vo golem stil so pesna mu čestita rodenden na Mile, a potoa go rasposla svojot kadifen vokal izveduvajќi ja numerata “Moj roden kraj rajska gradina” od makedonskiot bard, Jonče Hristovski. Suze i ovoj pat i dade poseben pečat na pesnata i otkri ušte eden zapostaven makedonski biser koj tolku dostoinstveno i otmeno ja slavi meloritmikata od ova podnebje.
Vtor gostin beše Spasen Siljanoski koj za razlika od drugi pejači očigledno e mnogu pozborliv pa zatoa ne čudi što se pikna i vo voditelskite vodi, ama ovoj pat toj ne go krieše oduševuvanjeto od Mile kako negov kolega koj go ceni i počituva, pa jubilejot mu go čestita so negoviot hit “I plačev i peev”, a publikata zaedno so Spasen i plačeše i peeše zošto očigledno ja saka ovaa negova pesna.
Posedna gostinska beše Bojana Skenderovski koja mu go vozvrati gostuvanjeto na Mile, mu čestita rodenden i ja istakna negovata golemina i kako pejač i kako prijatel, pa otkri deka pesnata “Zavetna” svoevremeno so Mile ja peele na domašnite slavi, za potoa taa da se odvaži i ja snimi za proektot “Makedonijo vo srce te nosime”. Se razbira deka Bojana tokmu “Zavetna” ja izvede na koncertot, a publikata zaedno so nea se zaveti na ljubov kon Makedonija.
Pred samiot kraj Mile ja izvade i pesnata što ja simbolizira večnata potraga na makedonecot za pravda, “Nalej Nalej”, koja vsušnost toj ja snimi za potrebite na proektot “Makedonijo vo srce te nosime” i na koja i dade svoj vokalen pečat i dimenzija. No ovoj pat tokmu spomenatata pesna prozvuči veličenstveno zatoa što na koncertot vo živo Kamerniot orkestar i dade edna posebno svečana nota i taa prozvuči kako marš.
Finaleto beše rezervirano za grupniot muzički pozdrav na Mile so gostite – kolegi, so koi ja izvede pesnata “Nema druga Makedonija” od legendarniot Vojo Stojanovski, a potoa publikata so skandiranje go vrati Kralot so kruna povtorno na scenata za ušte ednaš zaedno da ja otpeeat “Ne kani me”, negovata lična karta i pesna koja zasekogaš ќe go determinira kako romantičen narodnjak koj preku pesnata ja slavi ljubovta…
Drag Mile neka ti se množat rodendenite i pesnite i ušte dolgo da ne veseliš so svoite hitovi pa kako što ja zaokruži uspešno ovaa 2025 ta godina taka ubavo i uspešno da ja počneš Novata 2026 ta Godina…
Biba KRNČESKA
