Pred samiot kraj na godinata imavme privilegija da go prosledime i najubaviot koncert i generalno muzički nastan vo 2025ta godina, a toa beše solističkiot koncert “Zapealo slavej pile”, na potvrdenata primadona, Elena Andonovska, koja apsolutno trimfalno ja ponese krunata i kako vistinska kralica, suvereno vladeeše od scenata. Mediumski ovoj koncert Elena najprvin go najavi so noviot proekt “Video Prikazna”, kako i so tretiot, štotuku izdaden solistički album,“Niknalo cveќe šareno”, a finalnoto zaokruživanje se sluči vo ponedelnikot na 15ti Dekemvri so solističkiot koncert koj se održa vo “Nacionalnata Opera i balet” i predizvika lavina od vooduševuvanje na prisutnata publika, koja prosto ne trepkaše so očite za vreme na celiot performans koj kako najubava prikazna se odvivaše pred nea… No da odime redosledno…
Ušte so samoto začekoruvanje vo NOB ne dočekaa mladite i prekrasno stilizirani igraorki od “Folklor” koi mošne ljubezno i kulturno ne upatuvaa kade da se smestime, a voedno beše postaveno i pano so likot na Elena pred koe za spomen se fotkaa nejzinite prisutni fanovi. Tuka veќe se nasetuvaše ubavoto raspoloženie, no i odličnata organizacija. Na samiot vlez zabeležavme golem broj na estradni ličnosti, na popularni pejači, voditeli, novinari, kolegi i muzicari, koi vo pridruzba na svoite partneri pristignuvaa na koncertot, pa taka gi vidovme Lenče i Goran Kukiќ, Damjan Stojanoski so ubavata sopruga, Zlatko i Vlatko Miladinovski, Blaga Petreska, Dragica Stevkovska Drakče, Jordan Mitev, Gorjan Stojanovski, Elena Velevska, Zuica Lazovska so soprugot Naum Petreski i mnogu drugi, a tuka bea i kolegite od “Tanec”, na čelo so direktorkata Vesna Mitevska.
Koga se krena zavesata pred našite oči se pojavi vistinska scenska magija so živopisna mesečina koja beše pozicionirana visoko nad skalite na koi vo zlatna nametka kako princeza stoeše ubavata Elena Andonovska koja publikata ja pozdravi so naslovnata “Zapealo slavej pile” i togaš se osvetli scenata, blesna mesečinata i pesnopojnoto grlo na Elena dobi silni aplauzi od prisutnite koi uživaa vo sekoj nejzin zdiv, vo sekoj nejzin pokret.
Scenata pak beše apsolutno do detalj scenografski osmislena, a soodvetniot ambient bese dopolnet so dvaesetina par exselance instrumentalisti i nekolku ženski pridružni vokali od “Tanec”, koi ja dopolnuvaa celokupnata scenska prikazna.
Koncert Majstorot, Darko Ilievski, beše zadolžen za bezprekornata koordinacija na muzičarite, a kako stolb na scenata beše pozicioniran perkusionistot i tapanar Marjan Andonovski, soprugot na Elena, za koj taa otkri deka e vsušnost mozokot na celata operacija, odnosno deka toj e glaven organizator, menadžer na koncertot, scenarist, scenograf, režiser, izvršen producent na site nivni zaednički proekti, no pred se, deka toj e nejzinata najgolema inspiracija i nejzina najgolema ljubov, odnosno nejzin životen sopatnik. Tokmu posle ovie upateni zborovi na soprugot, pejačkata istakna deka ovoj koncert mu go posvetuva nemu i na nivnite tri sina…
Ovoj emotiven moment beše nagraden so dolgi aplauzi, a čuvstvata voočlivo silni bea očigledno prisutni i megju sopružnicite.
Inaku repertoraski koncertot imaše odlična dinamika i seopfatno gi prestavi najaktuelnite pesni od dosegašnite tri izdadeni albumi na Elena, a taa gi izvdvoi so posebna najava i dvete svoi avtorski pesni, prvata so koja se prestavi na “Folk Fest Valandovo” vo 2019 godina, “Sedma zima” i ja osvoi tretata nagradata kako i nagradata za najdobar aranžman, delo na Drako Ilievski, no i nagradata za najdobra interpretacija, i poslednata otpeana povtorno na “Folk Fest Valandovo” ovaa godina, “Sedum životi da imam”, koja e svoevidna himna za Makedonija, a pejačkata ja posveti na pesnite.
Vsušnost celiot koncert nalikuvaše na svoevidna bajka vo koja dominiraše veličenstvenata tradicionalna makedonska pesna vo poln sjaj. Spakovana raskošno, dostoinstveno i velelepno. Elena ja prestavi tokmu taa naša pesna i vokalno i vizuleno vo rojaliti dimenzija, dokažuvajќi kolku našiot bogat folklor može da izgleda i zvuči skapo i kolku ne sme svesni so kakov iskonski bogat resurs raspolagame. Sekoja pesna imaše svoja prikazna, svoi statisti, svoi senki koi i go davaa onoj finalen okvir i ja pravea taka vpečatliva za publikata. Prosto se dobivaše vepečatok kako da e isplaniran sekoj zdiv, sekoj pokret sekoj pogled na scenata.
Kostimografijata pak beše prikazna za sebe. Stilski i scenski beše prilagodena na ubavinata i damskoto drženje na Elena, a voedno kostimografski beše poveќeslojna i praktična. Potpisot na Elena Luka i ovoj pat ja zapečati celata magija i definitivno uspea preku crno-zlatnata boja glamurozno da ja naglasi ženstvenata ubavina na pejačkata.
Tapanite, zurlite, bajraktarite, igraorcite, znaminjata, pokretot, ritamot, nosiite i celata scenska ikonografija, napravija makedoncite da se čuvstvuvaat posebno, gordo i dostoinstveno. Ova ne predizvika da rezimirame deka sme možele i nie da spakuvame glamur na orginalen način, a da pri toa ne kopirame tugji idei od sosedstvoto, zošto imame svoja avtentičnost koja samo treba soodvetno da ja aranžirame. Se razbira deka za toa trebaat sredstva, no koga nekoj ќe gi vloži imame očigleden rezultat, taka što ovoj pat Ministerstvo za kultura napravi odličen izbor i poddrža proekt koj go zasluži sekoj vložen denar od državata.
Inaku Elena osven kako glaven protagonist i solist, odlično se prestavi i vo uloga na domaќin-voditel, ja iskoristi možnosta za da im se zablagodari na doajenite na makedonskata pesna, potencirajќi go perduvot od Slavej, što simbolično beše prestaven na scenata i negovata uloga vo narodnoto tvoreštvo kako pesnopojna ptica koja ja budi prirodata, pa go sporedi so narodniot genij i makedonskite doajeni koi ja razbudija preku pesnata makedonskata duša: -“Dozvolete mi večerva da se pokonam pred makedonskite velikani, da se zablagodaram za istorijata što ja tvorele, koja e naša segašnost, a nie ќe ja ostavime za idnite pokolenija. I večerva dodeka traee sekoja edna nota, dozvolete da počustvuvame deka tie se tuka so nas. Vo vozduhot, vo našite srca i vo muzikata što ne prestanuva da živee” porača Elena od scenata.
Koncertot završi veličenstveno so bis, zošto publikata ne prestanuvaše da rakopleska se dodeka Elena povtorno ne se pojavi na scenata i ne odluči da gi otee vo splet nekolkute izbrani refreni od najvpečatlivite pesni i togaš euforijata ja dostigna kulminacijata, pa mnogute obožavatelite so raskošni cvetni aranžmani poitaa da i čestitaat na pejačkata. Aplauzite traeeja, publikata frenetično ja pozdravuvaše zvezdata koja na krajot povtorno ja nametna zlatnata nametka, pred da se spušti zavesata…
Koncert za pametenje, koncert za voshit i koncert koj teško može spored kvalitet i ideja da se povtori, sekoja vi čest familijo Andonovski…
Biba KRNČESKA
