Svečenoto čestvuvanje na 3ti Noemvri, denot na osloboduvanjeto na Prilep, včeravečer završi so svečena Opštinska Sednica, koja se održa vo Centarot za kultura “Marko Cepenkov” i na koja se dodelija nagradi na izbrani poedinci, aktivisti, zalsužni gragjani sportisti, humanitarci, umetnici, kako i na uspešni biznis kompanii, a za da e apsurdot ušte pogolem megju nagradenite se najde i Narodniot Teatar “Vojdan Černodrinski” koj godinava odbeležuva 75 godni od svoeto postoenje, no za žal od mart ovaa godina e zatvoren i ne e vo funkcija ni kako objekt ni kako praven subjekt, pa vo taa smisla ušte počudna beše odlukata na Komisijata za odbeležuvanje na značajni datumi ličnosti i praznici, da dodeli 3to Noemvriska nagrada na teatar što praktično e neaktiven.
Tokmu takvoto rešenie mi privleče najgolemo vnimanie i me inicira da prisustvuvam na ovaa Opštinska Sednica, koja beše masovno posetena od site relevantni opštinski činiteli, republički funkcioneri, a na sednicata bea prisutni i vladici, svešteni lica od MPC kako počesni gosti.
Včera večer i oficijano za prv pat, pokraj novata pretsedatelka na Sovetot na Opština Prilep, D-r Biljana Kržeska, 3to Noemvriskite nagradi gi dodeluvaše i noviot gradonačalnik Dejan Pordanoski, koj vo svoeto obraќanje megju drugoto istakna deka ako pred 81 godina na ovoj den prilepskite borci ja donele slobodata na Prilep, a so toa go ovozmožile i negoviot rast i razvoj, togaš zadačata na segašnite opštinski lideri e da se spravat so izarazenata apatija, so odlivot na mladite generacii vo drugite zemji, so padot na natalitetot no i so site propratni opštestveno-urbani i sociološki predizvici koi ќe im donesat podobar i pokvaliteten život na prilepčani, pa -potoa nabroi del od planiranite programski proekti koi se negov prioritet vo predstojniot mandat što mu go dodelija gragjanite na Prilep.
Samata programa beše mošne ubavo osmislena i realizirana i se tečeše po predvideniot plan i tajming, se dodeka ne ja pokanija direktorkata na Teatarot “Vojdan Černodrinski”, Marija Popova Jovanoska, koja mošne kurtuoazno se zablagodari za nagradata i go pokani celiot prilepski akterski ansambal na scenata i togaš neočekuvano se sluči presedanot koj gi odbeleža ovie 3to Noemvriski nagradi i pokaža deka sepak slobodoumnata misla i govor se živa matarija vo Prilep, odnosno deka glumcite se onaa dvižečka intelektualna sila koja ima “petlja” vistinata vo lice da im kaže na političarite i funkcionerite…
Imeno, sosema neočekuvano, od grupata akteri se izdvoi glumicata Daniela Ivanoska, koja se dobliži do govornica i potpolno von scenario se obrati preku mikrofonot, pa reče:
-Vi se izvinuvam što nema da vi se izvinam! Večerva mu se dodeluva nagrada na Narodniot Teatar “Vojdan Černodrinski”, teatar koj ne postoi vo bukvalna smisla na zbor, nitu kako praven subjekt nitu kako objekt. Ironično neli?! Tragično?! Apsolutno da! Teatarot koj 75 godini, raboteše, sozdavaše, educiraše generacii, preizvikuvaše, provociraše, kradeše od vašite solzi, od vašite nasmevki,deneska go čestvuvame so nagrada?!
Koga edna institucija so 75 godišna istorija i tradicija, se zatvora, a potoa i se dodeluva nagrada, jas ne znam kako poinaku da go objasnam ovoj moment osven kako POSTHUMEN APSURD. I znaete što e najcinično od se “TEATAROT NE UMRE, NE, TEATAROT GO UBIJA”, so molk so neodgovornost, so birokratija so ramnodušnost. I tuka večerva, dodeka mestoto vo koe odeknuvaa aplauzi e vo mrak, nie ovde stoime so nagrada vo raka i velime BRAVO?!
Bravo za kogo a?! Verojantno za duhot koj seušte odbiva da se predade. Da, za duhot koj pokraj se, seušte e živ, i živee vo sekoj od nas, koj ne saka da se predade i pomiri so ovaa nepravda! Zatoa dozvolete mi da bidam ušte podirektna. Ovaa nagrada nema da ima nikakvo značenje dokolku ostane samo kako simbol za edna nostalgija. Ovaa nagrada apsolutno nema da ima nikakvo značenje dokolku ne se ZASRAMAT SITE ONE KOI DOVOLIJA DA SE IZGASI SVETLOTO NA SCENATA! Državata ima obvrska, gradot ima obvrska i odgovornost ne samo kon nas umetnicite, tuku i kon site Vas, kon našata istorija, tradicija, nasledstvo, kultura, kon svojot jazik.
Zatoa što, EDEN GRAD BEZ TEATAR E GRAD BEZ DUŠA! I da, kulturata e skapa, no nekulturata e ušte poskapa!
Posle oviie repliki, akterkata Ivanoska dobi gromoglasen aplauz vo salata, za nejziniot neočekuvan protesten govor, imaše silna poddrška od publikata, no interesno beše da se gledaat facijalnite ekspersii na direktorkata na teatarot i voditelot, koi pomalku začudeno go sledea govorot što ne bese predviden, dodeka stoeja na scenata pokraj glumicata.
Isto taka se ču i nekoj izvik od gornite redovi od publikata koj i dofrli na Ivanoska da završi pobrgu, no glumicata dostoinstveno do kraj go održa svojot oskarovski govor, a potoa se simna od scenata zapečatuvajki go nastanot so vistinata!
Nejziniot govor beše inspirativen i za slednata dobitnička na 3to Noemvriska nagrada, G-djata Liljana Samakoska koja kako sopstvenik na nagradenoto inovativno pretprijatije za proizvodstvo na kompozitni matrijali “Mikrosam” od Prilep, im se obrati na site vraboteni po instiuciite i onie što se zadolženi za potišuvanje na dokumenti so porakata da sednat i da si ja vršat svojata rabota, a ne da najduvaat izgovori za razvlekuvanjeto i odložuvanjeto na mnogu birokratski procesi koi silno im smetaat na privatnite pretprijatija.
Iako vakvata atmosvera nikoj ne ja očekuvaše, sepak mora da naglasam deka so situacijata mošne pribrano i staloženo se noseše noviot gradonačalnik Pordanoski, koj ne izreagira ni so edna grimasa, tuku prodolži so nasmevka do kraj da gi dodeluva nagradite i da se slika so nagradenite.
Ovaa godina se dodelija 2 nagradi za Životno delo. Ednata beše posthumna i ja dobi fudbalerot Jove Magdeski, a vo negovo ime nagradata ja primi negoviot sin, koj edvaj gi vozdržuvaše solzite, no uspea od govornicata da im se zablagodari na gragjanite i gradot za odlukata da bide nagraden negoviot počinat tatko koj isklučitelno mnogu si go sakal svojot grad Prilep, a svečenosta se zatvori so dodeluvanjeto na 3to Noemvriskata nagrada za Životno delo na slikarot Rubens Korubin, koj voedno kako umetnik e osnovopoložnik na neoromantizmot kaj nas, no i poznat i priznat slikar vo svetski ramki.
G-dinot Korubin so blagost vo likot i glasot se zablagodari na Prilep i Prilepčani za ovaa čest i raskaža deka negovite roditeli koi se prilepčani insistirale toj da se rodi vo Prilep, i pokraj toa što živeele vo Skopje. Toj napomena deka seušte živo se seќava na kuќata od svojot dedo i baba koi so golema umešnost i ljubov ja održuvale, a posebno inspirativen mu bil dvorot, što negovata baba go sreduvala so raznobojni cveќinja i sekogaš koga vo leto doagjal vo Prilep na gosti užival vo toj ambient, koj najverojatno podocna koloritno se odrazil i vo negovoto slikarsko tvoreštvo.
Pokraj ovie dobitnici, 3to Noemvriska nagrada-diploma dobi i našata koleška, novinarkata Elizabeta Mitreska, koja neumorno sekojdnevno izvestuva, a beleži raboten vek poveќe od 30 godni. Taa izjavi deka saka da veruva deka novinarite i taa kako novinar pridonela da se koregiraat neubavite raboti za gradot, da se pottiknat dobrite i da se ostvari napredokot.
Pokraj Mitreska, so 3to Noemvriski diplomi bea nagradeni i poetot i aktivist vo Združenieto na proteranite Makedonci od egejskiot del na Makedonija, Petre Kirovakov, kako i D-r Biljana Konsuloska Gveroska, avtor na naučni publikacii od oblasta na zemjodelieto, akroekologijata i tutunoproizvodstvoto, kako i Vladimir Gjorgjievski, reprezentativec na Makedonija vo biljard.
3to Noemvriski plaketi pokraj Narodniot Teatar “Vojdan Černodrinski” dobija i Nevladinata “Hand Till Hand” od Kralstvoto Švedska za humaniot i opštestven angažman vo zdravstvenata zaštita, “Interakt” klubot od gimnazijata “Mirče Acev” od Prilep i izvidničkiot odred “FENIKS” za jubilejnoto 10 godišno postoenje.
Biba KRNČESKA
