Ana Petanovska osvoi nagrada za najdobra interpretacija na festivalot Dalmatinska šansona vo Šibenik, Hrvatska. Edna od najtalentiranite pop-pejački kaj nas ja ispea pesnata „Samo ljubav postoji“, so muzika na Grigor Koprov, tekst na Robert Pilepiḱ, i aranžman na nejziniot brat, Stefan Petanovski.
„Ana rasturi vo Šibenik, ova beše edna od nejzinite najdobri izvedbi, dobi dolg aplauz i ovacii koi sosema gi zasluži. Vednaš po nastapot, hrvatskite mediumi se zainteresiraa za nea, a najvažno od sè e što dobi ponuda za sorabotka so “Croatia Rekords” i ušte edna muzička izdavačka kuḱa“, veli kompozitorot Grigor Koprov.
„Odlično si pominavme, energijata na scenata beše neverojatno ubava, toa nekako ni beše dopolnitelna nagrada. Orkestarot e vonzemski bukvalno, prekrasni lugje, ubava publika i mnogu prijatelstva so lugje što pak si gi vidovme od minatata godina. Sekogaš e zadovolstvo so niv da se sorabotuva. Nie sme epten zadovolni so nastapot, ova beše eden od retkite kaj što ne se opteretuvavme premnogu tehnički, samo se opuštivme i tie tri minuti bea kako cela prikazna“, reče Ana Petan.
Ova e vtor nejzin pogolem festivalski uspeh ova leto. Pop-pejačkata vo duet so legendarniot hrvatski roker Dado Topiḱ pobedi na festivalot Biser na Jadranot, što se održa vo juli vo Tivat, Crna Gora. Prvata nagrada im ja donese pesnata „Nebo“, za koja muzikata ja napiša Grigor Koprov, tekstot e na Dado Topiḱ, a aranžmanot e na Stefan Petanovski. Pred Tivat, Ana imaše zabeležitelen nastap i na Splitskiot festival so pesnata „Kad noć sretne dan“, čii avtori se istite kako na pesnata so koja dobi nagrada vo Šibenik. Pesnata „Nebo“, so koja pobedi vo Tivat vo duet so Dado Topiḱ ḱe ja ispee na festivalot Ohrid fest- Ohridski trubaduri na 30 avgust na scenata na „Dolni Saraj“ vo Ohrid.
Foto: „Dalmatinska šansona“
Biba KRNČESKA
