Muzikata go pobedi nevremeto i triumfalno ušte ednaš ja pokaža Boženstvenata moќ, sinoќa vo Valandovo, koga so pesna ja stopli atmosverata i go krunisa 38to izdanie na “Folk Fest Valandovo” so preubavi pesni, so odlični vokali i so mnogu ubava energija. So eden zbor festivalska večer za pametenje.
I pokraj nevremeto što neočekuvano se pojavi vo najtoplite kraišta na Makedonija i predizvika svoeviden šok, pa koncertite vtorata večer prinudno bea odloženi, sepak finaleto proteče vo sovršen red, a neboto se smiluva, pa show programot možeše da počne vo poln sjaj. Glamuroznite toaleti na učesnicite, svečenata garderoba na prisutnata publika i ubavo uredenata festivalskata sala vo domot na kultura “Janko Uzunov” vo Valandovo najavi festivalsko izdanie od koe treba dosta da se očekuva, a posle preslušuvanjeto na site 22 kompozicii se uverivme deka Umetničkiot direktor Živoin Glišiќ, uspeal fenomenalno da ja iskreira muzičkata ponuda, pavejќi odličen mix na vokali spored generaciski soodnost, spored senzibilitet no i spored muzički afiniteti, pa na scenata gi vidovme i doajenite i veteranite no i debitantite i mladite i nadežni pejači čie vreme doprva doagja.
Najavata za duetski kombinacii beše posebna prikazna, a nivnoto pojavuvanje na scenata vistinsko osvežuvanje. Pobedničkiot dvoec, Suzana Gavazova i Ljubčo Gjorgiev, ušte so prvite taktovi na pesnata “Ljubovta da rascuti” (muzika Mile Barbarovski, aranžman Darko Ilevski i tekst Gjorgji Barbarovski) silno izdominiraa kako vizuleno taka i glasovno i bea posebno dopadlivi i festivalski priemčivi za publikata, a isto taka vokalno i estetski ubavi bea vtoro nagradenite Vasilia Petrova i Blagoja Grujovski koi ja izvedoa pesnata “Što si vetivme” (muzika Gligor Koprov, aranžman Nikola Avtovski i tekst Borče Nečovski).
Koga sme kaj duetite ušte eden duet beše isklučitelno dobar iako ne dobi nagrada, a toa bea braќata Gjorgji i Stole Pockovi koi ja izvedoa pesnata “Krvta voda ne biduva” (muzika i aranžman Ljubčo Sokolovski i tekst na Gjorgji Kalajdžiev) i vo unikaten spoj pokažaa kako bratski se pee i deluva na scenata.
Na festivalot godinava mu se vratija i brendiranite vokali na Smilja Mitrevska i Goran Todorovski prepoznatlivi po svojot senzibiliet i estetika, i ne oduševija so svoeto prisustvo. Goran duri se potrudil i stilski da ostane identičen po svoeto eleče, a Smilja po svojata frizura i po kompozitorot i avtor Ljubčo Trajkovski Fis koj so nea od sekogaš imal neverojaten fluid koga se festivalskite pesni vo prašanje.
Pokraj niv našeto vnimanie go zadržaa i nastapite na Blaga Petreska koja ja izvede pesnata “Koj da zapee” (muzika Mile Barbarovski, aranžman Nikolče Micevski i tekst Gjorgji Barbarovski) pa so tekstot ja zapečati vistinata što ni se slučuva, ama i nastapot na Metodija Stoleski i negoviot pridružnik, avtorot na pesnata “Taga za Ristana”, vrvniot instrumentalist Aleksandar Jovčeski i ne uverija kolku dramatično i elegično može da prozvuči makedonskata pesna.
Veselo ne razmrdaja i “Favoriti bend” so nivanata “Da sum sokol” (muzika Zlatko Boškovski, aranžman Ljupčo Sokolovski i tekst Dragan Matevski), a posebno prijatno ne iznenadi pojavuvanjeto na zabavnjakot Blaž Marotov, koj vo uloga na kantavtor ja izvede “Samo za nea sviri ja”, kafansko-urbana melodija što dopadlivo se lepeše za ušite.
Sepak, pesna što spored moe mislenje beše najubava na festivalot i sigurna sum deka silno ќe izdominira vo idnina, e pesnata na Elena Andonovska “Sedum životi da imam”, pesnište što retko se pišuva i ušte poretko može da se čue na festival, no za žal žiri komisijata ja izignorira i ne i dodeli nagrada ni na izveduvačkata ni na avtorite na muzika i tekst, na Risto Samardžiev i aranžman Damir Imeri, pa so toa napravi golema nepravda i predivzika svoeviden revolt kaj sluhistite i muzičkata fela koja od startot ovaa pesna i pejačkata gi izdvoi kako golemi favoriti. Mnogumina ovoj previd go poistovetija so politikata pa komentiraa deka nemože nagrada da dobie patriotska pesna koga vo publikata sedat funkcioneri od sdsm koi ne ja prefreiraat estetikata na vmro, no seto toa spagja pod resorot na špekulacii, edinstevna odgovornost za ovoj propust treba da se pobara od žiri komisijata vo koja imaše eminetni iminja i po nekoj izbran člen po kluč poznat samo na organizatorite.
Nagradata “Mile Brzanov” za najdobar debitant ja dobi Čede Spasiќ za pesnata “Nazdravi prijatele”(muzika i aranžman Ljupčo Pavlovski i tekst Orce Zafirovski), a nagradata “Mirče Karamučev” za najdobar tekst otide vo racete na bitolčanecot Valentin Soklevski za pesnata “Tri izvora tri izgora”, što ja izvede mestralno moќniot vokal na legendarniot Efto Pupinovski koj voedno ja napiša muzikata, a aranžmanot go napravil Darko Ilevski. Nagradata “Dragi Mitev” za najdobar aranžman i ovaa godina ja dobi Dragi Stankovski za pesnata “Ti” vo izvedba na Kire Naunovski.
I sekako najgolemoto festvalsko priznanie za sekoj pejač, nagadata za interpetacija “Nikola Badev” otide vo vistinskite race i apsolutno zasluženo ja osvoi fenomenalnata Jovanka Jo, koja so svojata interpretacija na pesnata “Što ljubov beše” od avtorot Tomislav Kocevski Pepsi ja raznese salata i gi namovna čuvstvata na sekoj poedinec koj se poistoveti so tekstot no i so emocijata na pejačkata. Jovanka Jo noseše i preubava toaleta pa beše silno vpečatliva na scenata i zaedno so Elena Andonovska i Smilja Mitrevska važea za najgolemi favoriti godinava, no kako što rekovme na festivalite pravila nema, no ponekogaš ima sreќa.
Tretata nagrada od žiri ja osvoi pesnata so simbolično ime “Dojdi” od avtorot Ljupčo Trajkovski Fis, koj voedno ja donese posle tolku godini povtorno Smilja Mitrevska na “Folk Fest Valandovo” i so toa napravi svoeviden rimejk na ubavite festivalski vreminja vo koi kako tandem dominiraa.
Na krajot mora da izdvojam ušte nekolku iminja pesni i izveduvači koi nepravedno bea izostaveni od nagrada, a megju niv sekako e Dragan Dace Nikolovski, koj ispea fantastična pesna naslovena kako “Nostalgija”, pa so muzikata, aranžmanot i starinskiot prizvuk na maneto što majstorski gi imaše ukomponirano talentianiot Darko Ilevski ne prošeta niz vemeto koe mošne slikovito beše preneseno preku tekstot na Gjorgji Kalajdžiev. Pesnata na Dace i pokraj nostalgičniot ambient vešto uspeala da ja izbegni patetikata i da prozvuči orginalno, a voedno samiot izveduvač so stilskiot izbor na kostum izgledaše markantno na scenata.
So ubava pesna se pestavi i Miško Krstevski koj veќe tri godini za red na Valandovo ostava silen vpečatok, a ovoj pat ja ispea “Da se vratam”, pesna komponirana od Sašo Velkov na tekst od Radmila Mitroviќ i šteta e što i ovaa pesna pomina bez nagrada.
Ubava pesna so mediteranski prizvuk ispea najgolemata legenda na festivalot, g-dinot Dragan Mijalkovski, koj seušte zvuči romantično i uspeava da šarmia od scenata, pa so preubavata “Solzite na edna žena” od avtorot Ljupčo Trajkovski Fis, Sanremovski ni prozvuči od Valandovo, a ubava pesna imaa i moite prilepčani, grupata “Forum”, koi ja izvedoa “Dojdi da sme sami” i so nea go zatvorija festivaskoto izdanie na godinešniot “Folk Fest Valandovo” 2025 godina.
Sepak, najgolem aplauz što se ču duri do neboto, dobi edniot i zasekogaš edinstven i nepovtorliv vo ovaa naša realnost Goce Arnaudov, so posthumnata nagrada za životno delo, što vo negovo ime ja primi sopruga Nevena Arnaudova.
Na krajot samo ќe podvlečam deka uživav vo tečenieto na preubavata festivalska programa, vo osmislenata koncepcija i najavite na odličnite voditelski dvojki, Irena Spirovska i Gjorgji Kalajdžiev, Dionis Nunov i Kate. Isto taka uživav vo preubavite svečeni kreacii od Elena Luka što gi ponese sekogaš bezprekornata Irena Spirovska, ama i Suzana Gavazova koja beše poubava od sekogaš.
Uživav i vo družbata so umetnicite, avtorite, organizatorite, gostite, kolegite i domakinite. Posebno fala do Opština Valandovo, do gradonačalnikot Kostadinov za prekrasniot prestoj što ni go ovozmoži, do Vladimir Lazov na koj za sekoja sitnica mu dosaduvame i sekako fala za ubavata muzika što Valandovo ušte ednaš širokogradno ni ja podari.
Biba KRNČESKA
