-Moeto lično uveruvanje e deka čovekot treba da go sledi srceto, a moeto otsekogaš čukalo vo ritamot na makedonskata pesna. Rodena sum i izrasnata vo Ḱustendil – Pirinskiot del od Makedonija, a mojot vnatrešen svet otsekogaš bil povrzan so Makedonija i makedonskata pesna, a ima i zošto, bidejќi moite koreni, kako sto sum zapoznata vodat poteklo od Kočani. Inaku imam 22 godini i sum na posledna godina od fakultet, kade što studiram za trener po plivanje i profesor po fizičko obrazovanie. Sportot me nauči na disciplina i izdržlivost, no muzikata e taa što mi ja dviži dušata.
ZA TALENTOT:
-Talentot go naslediv od majka mi, koja ima prekrasen glas i koja prva zabeleža deka nešto muzikalno se krie vo mene. Koga sum imala dve godinki, sum imala igračka slonče od koe se vklučuvala nekoja kratka melodija, a jas ton po ton sum ja povtoruvala na svoj bebeški jazik. Podocna, koga bev treta godina na školo, rešiv da go neguvam toa što go čuvstvuvav. Me zapišaa na privatni časovi po folklor, a potoa prodolživ i so solfež, a za kratko vreme i so pijano. Ne beše toa samo učenje, beše vložuvanje vreme, trud i mnogu ljubov. So tekot na godinite, preku tie časovi go najdov svojot pravec i poleka go sozdavav stilot po koj denes me prepoznavaat. Majka mi sekogaš veleše deka muzikata ne se uči samo po noti ili samo so uvo, tuku so srce. Verojatno tuka se krie mojata sila – vo emocijata što ja nosam koga peam.
ZA BUGARSKATA PROPAGANDA:
-Vo posledno vreme imeto mi e tema na razgovor, često se spomnuva, kade so ubavo, kade so laga i loša namera, ama toa e. Jas sum si svoja i ne me e strav od ništo i nikogo. Kažav nekolku vistini za Makedonskite pesni koi se prepejani vo Bugarija, no za žal i izmeneti. Narodni, a zapišani kako avtorski i obratno. Kažav nešto za koe se znae i se molči, vo isto vreme, ama so ništo ne ja navrediv Bugarija, kako strana vo koja sum rodena, no smetam deka morame da ja postavime vistinata na svoeto mesto. So mojata muzika nitu pravam, nitu učestvuvam vo politika… Moja edinstvena cel e da ja neguvam i začuvam tradicijata na Makedonija, da go prenesam nejziniot duh na idnite generacii i da go održam bogatstvoto na našeto kulturno nasledstvo. So mojata muzika, se trudam da obedinam lugje, da ja održam silata na tradicijata, zatoa što nasledstvo ne biva da se iskrivuva ili zaboravi!
ZA ESTRADNITE AMBICII:
-Mojata muzička pateka me vodela niz mnogu natprevari i festivali, na koi sum osvojuvala brojni nagradi. Megju najznačajnite momenti e moeto učestvo na “Pirin Folk” vo Sandanski, kade što so pesnata „Žetvarka“, koja e delo na Spasen Siljanoski, osvoiv pet nagradi. Moram da spomnam deka Spasen Siljanoski beše prviot koj veruvaše vo mene i mi dade šansa da ja izvedam negovata pesna „Žetvarka”… Ovaa pesna mi otvori mnogu vrati i sekogaš ḱe ja pametam kako klučen moment vo mojata kariera. Potoa, stignav do finaleto na Muzičkoto Talent Šou „Novi i mladi“, što beše organizirano od INTV i Zlatko Miladinoski i sum im beskrajno blagodarna, bidejќi dobiv šansa i mojot glas stigna do poširokiot auditorium. Sè što sum postignala dosega e blagodarenie na poddrškata od mojata familija i sekako od lugjeto što veruvaa vo mene.
IDNI PLANOVI I SORABOTKI:
-Momentalno rabotam na nekolku novi pesni zaedno so Zlatko Miladinoski. Veruvam deka tie ḱe bidat dostoinstveno prodolženie na toa što go nosam kako glas i poraka. Na 25 maj ḱe nastapam na „Folk Fest Valandovo“, kade što za prvpat ḱe ja izvedam duetskata pesna „Što si vetivme“, zaedno so dobro poznatiot pejač Blagoja Grujovski. Sorabotkata so Blagoja mi prestavuva ogromna čest i veruvam deka ḱe uspeeme so pesnata da dopreme do srcata na publikata.
NASTAPI:
-Sekoj nastap mi e važen, no koga peam za našite lugje, osobeno nadvor od Makedonija, emocijata e posebna, preku pogledi, preku srcata što čukaat vo identičen makedonski ritam, iako se daleku od doma. Na 8mi juni ḱe imam čest da bidam i del od eden humanitaren koncert vo Majnc, Germanija, posveten na Kočani. Ḱe nastapam zaedno so mojata draga koleška violiniskata Sanja Zdjelar, Karolina Gočeva, Tino i Atanas, kako i grupata Milenium i drugi. Toa ḱe bide večer polna so muzika, emocii i splotenost i mi znači što tokmu preku pesnata ke možeme da napravime nešto ubavo i humano, a na 14 juni ḱe bidam specijalna gostinka na „Makedonski den“ vo Ešalen, Švajcarija – na nastan koj so netrpenie go očekuvam, a potoa sledi Italija, pa povtorno Germanija, pa Avstralija na esen i potoa Kanada…
Biba KRNČESKA
