Godinešniov „VEVČANSKI KARNEVAL “, tradicionalno ḱe se održi od 12 do 14 januari. Na oficijalniot press pokraj prisustvoto na mnogubrojnite pretstavnici od makedonskite mediumi bea prisutni i gradonačalnikot na opština Vevčani, Spase Kočovski, kako i Ministerot za kultura i turizam vo Vladata na Republika Makedonija, Zoran Ljutkov.
Kako domaḱin na ovaa karnevalska fešta, gradonačalnikot na Vevčani govoreše za tradicijata, funkcijata, celishodnosta i sodržinite na „Vevčanskot karneval“, za koj reče deka e edna golema manifestacija pred se od zabaven, no i od opštestveno-politički karakter vo koja preku maskite, igrite, dviženjata i odnesuvanjeto na vasiličarite se ismevaat, no i potenciraat negativnite pojavi i anomalii vo opštestvoto od godinata koja izminala.
Toj pri toa spomena dena opština Vevčani i vevčanci se vo celost podgotveni za godinešnovo karnevalsko izdanie, koe ima svoe mesto i vo svetskata asocijacija na karnevalski zbidnuvanja. Ministerot za kultura i turizam vo vladata na Republika Makedonija, Zoran Ljutkov pak, go potenciraše značenjeto na Vevčanskiot karneval od nekolku aspekti, kako del od mnoguvekovnata tradicija, ušte od paganskiot period, pa se do denes, no i opštestvenoto značenje, kako svoevidna kritika na denešnite devijacii vo opštestvoto, pa i kako kulturno-umetnička manifestacija od zabaven i muzički karakter, i voedno kako turistička atrakcija za promocija na Vevčani, no i na ohridsko-struškiot region i Makedonija voopšto, na svetskata mapa na turizmot.
PR-ot, PRES moderator i voditel na godinešnata manifestacija Antonio Dimitrievski, so pretstavnicite na mediumite ja spodeli i zabavno muzičkata programa koja pokraj glavnoto defile na maskite, godinava ḱe se odviva vo dve večeri.
Prvata večer, na 12-ti januari (nedela) na scenata vo Vevčani ḱe nastapat megapopularniot makedonski traper, ohrigjanecot Pajak, potoa edna od najdobrite makedonski pop-rok grupi „Area“, a večerta ḱe ja zatvorat legendarnite predvodnici na nekogašniot „new primitivizam“, grupata „Zabranjeno pušenje“. Vtorata karnevalska večer, na 13 januari (ponedelnik) vo muzičkiot program ḱe ja otvori najpoznatata makedonska etno-pop grupa „Ljubojna“. Po nea ḱe nastapi zlatnoto grlo na makedonskata novosozdadena folk pesna, Naum Petreski, a programata ḱe prodolži so „Orkestarot so zurli i tapani Vevčani“. Večerta ḱe ja zatvorat so svojot nastap Pero Beli i Koki – Bioritam.
Se na se’, organizatorite i godinava vetuvaat unikatno doživuvanje so mnogu zabava, muzika, smea, igra, originalni maski, vevčanski duh i neizmerno gostoprimstvo za site što ḱe dojdat na „Vevčanskiot karneval 2025“.
Biba KRNČESKA
