Kultniot sostav “Memorija” ima svoja istorija, no i svoja filozofija koja ispraќa dlaboki poraki na generaciite što ja vospriemaat nivnata muzika i tokmu taa namisla ne vodeše koga odlučivme da se upatime za Skopje i da prisustvuvame na press konferencijata što se održa na Univerzitetot „SKOPJE“ (nekogašen Univerzitet za turizam i menadžment).
Rektorot na Univerzitetot Skopje so frontmenot na Memorija
Isklučitelno srdečniot doček kako od členovite na “Memorija” taka i od domaќinot, Rektorot na Univerzitetot, Ace Milenkovski, ni nagovesti ubavo doživuvanje, koe započna so oficijalnoto obraќanje na PR-ot Antonio Dimitrievski, (nekogašen člen, odnosno bubnjar na “Memorija”, a segašen novinar i nivno lice za odnosi so javnos i mediumi), pa prodolži sosema neočekuvano so emotivnata transparentnost na frontmenot Pero Georgievski-Kamikaza, koj ne možeše da gi zadrži solzite koga se priseti niz što se pominal i kakvi se situacii mu se slučuvale, a posebno emotivno go pogodila semjenata tragedija što neodamna ja preživeal vokalot na grupata, Poce Ikonomov, koj ja izgubi soprugata Viki, na koja praktično i e posvetena i novata balada “Za tebe”.
Pero Georgievski-Kamikaza
Vsušnost na presot prisutnite gosti i predstavnicite na mediumite imaa možnost premireno da go vidat spotot za spomenata preubava balada, kako i dvata video zapisi za najnovoto od “Memorija”, “Makedonskite biseri”, odnosno pop-rok medlito na refrenite od makedonski patriotski pesni i prerabotkata na nekogašnata rok tema “Jano” od kultniot sostav “Triangl”.
Pred da se prepuštat na novinarskite prašanja, členovite gi pozdravija site prisutni, a megju gostite imaše i mnogu muzičari kolegi, rokeri, koi dojdoa lično da gi poddržat. Vo znak na seќavanje so edno minutno molčenje se oddade počit i na prerano počinatata sopruga na pejačot na bendot Poce, a potoa i samiot Pero Kamikaza progovori za neočekuvanite predizvici koi životot neplanirano gi isporačuva:
-“Sum se soočil so smrtta nekolku pati. Božja volja bilo da bidam tuka i da prodolžam da se zanimavam so muzika. Ne znaeme do koga ḱe traeme, no ḱe bideme aktivni se dodeka sme živi. Ḱe sozdavame makedonska muzika. Nie sme bend niz koj pominale 40-setina člena, no nikogaš ne sme zapeale na drug jazik. Da go čuvame našeto, da ja sakame Makedonija” – porača Kamikaza.
Od govornicata na novinarski prašanja odgovaraa i ostanatite členovi na Memorija, ne kriejќi go svojot rokerski entuzijazam što seušte živo gi drži i posle četri decenii postoenje, a otkrija isto taka deka se počesto i samite go zabeležuvaat energetskiot fluid što taka slikovioto se gleda na nivnite snimki i snimeni pesni. Megju drugoto čuvme i priznanie od samiot bubnjar na bendot deka osobeno e zadovolen kako ja otsviril “Jano” koja e vistinski predizvik za tapanarite, a so toa se složija i priustnite koi uživaa vo temperamentnoto muziciranje na rokerite.
Pred samiot kraj na Press konferencijata pobaravme da čueme lično od noviot gitarist na “Memorija”, Rubin Dimkoski, koj e od Prilep, kako se sluči tokmu toj da bide izbran, odnosno da dobie pokanata za členuvanje vo “Memorija”, a toj so detska naivnost ni prizna deka i sam ne veruval koga ja dobil usmenata pokana od Pero Kamikaza za da im se pridruži. Pero pak otkri deka Rubin e isklučitelno vreden i posveten na muziciranjeto i deka redovno patuva Prilep – Skopje koga se probite vo prašanje, odnosno deka negoviot profesionalizam e za primer.
Na konferencijata beše najaven i golemiot solistički koncert na “Memorija”, što ќe se održi vo Skopje, vo salata “Boris Trajkovski” kon sredinata na Noemvri, a do krajot na godinata treba da bide predstaven i noviot album na koj intenzivno se raboti.
Srdečnata družba na novinarite so muzičarite na krajot beše zaokružena so bogata koktel zakuska koja ja pronudi domaќinot na nastanot, Univerzitetot “Skopje”, a prisutnite gosti ja iskoristija prilikata i da se slikaat so kultnite muzičari za spomen…
Biba KRNČESKA
