I ovaa godina vo Prilep ќe bide prodolžen kontinuitetot na Badnikovite povorki, koi ovoj pat go imaat sloganot ,,Počuvstvuvaj radost”.
Od Združenieto “Badnikovi povorki” velat deka interesot za povorkite ovaa godina e pogolem od prethodnata.
Prijaveni se poveḱe od 200 dečinja do sega.
-Ve izvestuvame deka na den 05.01.2024 godina, posle probata koja e od 10:00 časot, decata od našata povorka ḱe go posetat Domot za stari lica „Kiro Krsteski – Platnik“, kade što našite dečinja – angelčinja ḱe im gi čestitaat pretstojnite praznici na štitenicite vo domot i ḱe go najavime Hristovoto ragjanje Povorkata započnuva od Kamenata bina vo 10:00 časot na 06.01.2024 kade što decata ḱe gi otpeat pesničkite ,,Večniot Bog”, ,,Tropar na Roždenstvo Hristovo” i ,,Kondak na Roždenstvo Hristovo”. Tuka dečinjata ḱe bidat prečekani od gradonačalnikot na Prilep, g-dinot Borče Jovčeski koj simbolično ḱe gi daruva dečinjata od povorkata. Peejḱi ja ,,Večniot Bog”, povorkata prodolžuva kon uličkite niz starata čaršija, potoa se vraḱame do božiḱnata peštera vo centarot na gradot.
Poradi održuvanjeto za prv pat na Božiḱen konkurs pri hramot Sv Petka -Točila, po završuvanjeto na povorkata vo centarot na gradot, našata grupa ḱe se upati kon toj hram.
Proglasuvanjeto na pobednicite i dodeluvanjeto na nagradite za ovoj konkurs ḱe bide vo 11:30 časot vo hramot.
Ve pokanuvame na povorkata i na Božiḱniot konkurs za site zaedno, radosno i dostojno da go najavime Hristovoto ragjanje! – poračuvaat od združenieto “Badnikovi povorki”.
Da pojasnime deka decata vo povorkite gi simboliziraat angelite što go najavuvaat Hristovoto Ragjanje, a zvezdičkite što radosno gi veat nad svoite ozareni lica se vodilka kon mestoto kade što se ragja Bogomladenecot. Simbolično prikažano, kaj nas toa e patot do božiḱnata peštera vo koja e pretstaven celiot nastan na Hristovoto Ragjanje – Božiḱ.
So radost da go dočekame i proslavime Hristovoto ragjanje – Božiḱ.
Biba KRNČESKA
