Ovogodinešnoto 38. makfestovsko izdanie ne pomina bez dvokratniot pobednik na edinstveniot festival na zabavna muzika kaj nas – Bojana Skenderovski, koja na scenata ja donese odličnata „Da te nemam“. Stanuva zbor za brza, klupska pesna čii aranžman i muzika gi potpišuva samata, dodeka tekstot e delo na Robin Zimbakov.
„Pesnata e vo malku poinakov stil, no nekako sakav na mojata publika da ì priredam malo osvežuvanje, a voedno sakav da donesam i nešto novo i porazlično i vo mojot repertoar“ – veli Bojana i otkriva deka nema da zastane tuka.
Veḱe nagolemo, veli, se raboti na novi pesni, se razmisluva za duet, solistički koncert, a, sekako, tuka e i proektot „Makedonijo vo srce te nosime“ koj prodolžuva na prolet.
Osven što na scenata donese stilski porazlična pesna, Bojana se potrudi i kompletniot nastap i pojavuvanjeto da bide unikatno i vpečatlivo.
„Za mojot izgled ovoj pat beše zadolžena Ivana Knez, koja inspiracijata za kreacijata ja najde vo prikaznata od romanot „Dilber Stana“ na Stale Popov – devojka zarobena vo prekrasna garderoba i sopstveni soništa vo kopnež i mečta po ljubov. Biserite kako zaštiten znak na Ivana Knez simboliziraat moḱ za transformacija na negativnoto vo pozitivno, koga od problem se sozdava volšepstvo isto kako što školkata od zrno pesok go sozdava biserot. So vera, nadež i ljubov, od žena za ženi… “, raskažuva Bojana i veli deka i taa kako vo prikaznata za biserot ḱe se trudi i ponatamu da sozdava volšepstva.
Inaku Bojana e dvoen pobednik na “Makfest” – prv pat vo 2003. godina koga ja otpea temata „Nemam odbrana“ i vtor pat vo 2015. koga triumfiraše so „Divi cvetovi“.
Biba KRNČESKA
