Kako što napomenav vo prehodnite tekstovi Valandovskata muzička prkazna seušte ja raskažuvame zatoa što imaše tri dnevna sodržina i beše ispolneta so mnogu nastani i ličnosti pa soodvetno na toa zaslužuva i pogolem prostor i pogolemo vnimanie. Ovoj pat ќe se posvetime na samoto finale na “Folk Fest Valandovo, na učesnicite, na pesnite, na nivnite nastapi i sekako na ličnite voočuvanja i percepcijata na koja kako akreditiran novinar imam apsolutno pravo.
Valandovo finale 2023
Ona što mene godinava mi beše simptomatično na Valandovskiot festival beše osredniot kvalitet na pesnite ili kako što rekov nemaše pesna koja na prva možeše da me oduševi.
Milena Jovanovska
Neka prostat i nagradenite, no smetam deka nijansite odlučuvaa za nagradite i deka site pesni bea na nekoe slično ramnište. Pesna što imaše nekako poinakva melodiska linija i beše isklučitelno teška za peenje beše pesnata od Milena Jovanoska, napišana od Toše Zavkov i smetam deka e oštetena za nagrada. No, kako što veli i samiot naslov “Nema pravda”, Milena veќe se navikna na nepravdi, odnosno se navikna da bide odličen vokal koj nikogaš ne dobi zasluženi nagradi vo Makedonija, tuku samo tapkanja po ramo. Koga sme kaj ovaa prilepčanka čij razvoen pat odlično go poznavam mora da naglasam deka pred nekoja godina od istot festivalski sovet ovaa odlična pejačka beše odbiena kako “stara” za “Folk Fest Valandovo” iako imaše okolu 46 godini, pa koga ja vidov godinava se oduševiv što kako postara se “razmladila” za festivalskiot sovet, pa se setile deka za dobar pejač i avtor godinite ne postojat i na nekoj način se koregirale.
Deka starosnata diskriminacija e prisutna na Valandovskiot festival mi potvrdija i nekoi pejači, odnosno kantavtori koi isto taka pred nekoja godina bile grubo odbieni zaradi vozrasta, no kako što vidovme i ovoj pat festivalot go napravija tokmu doajenite, taka što i vo ovoj slučaj važi onaa narodnata “nov bunar kopaj ama po stariot ne plukaj”.
Kako može godinite da se sporni za eden Efto Pupinovski, Pero Hristov ili Nino Veličkovski, koi “vo zabi” gi nosat pomladite kolegi. I godinava vo živo bea odlični so ubavi pesni, a samoto nivno pojavuvanje za festivalot e statusno nivo i zatoa uvažuvajte gi godinite na umetnicite, tie se RARITET!
Pero Hristov, Vukica Celebieva i Aneta Micevska
Aneta Micevska i grupa Molika
Isto taka rejtingot na festivalot go podigna i pojavuvanjeto na grupata “Molika” so besprekorniot vokal na Aneta Micevska za koja sluhitite velat deka i ovoj pat vo živo ton ne promaši vo inetrepretacijata. Iako vo kuloaraite se špekuliraše deka borbata za prvo mesto ќe se vodi pomegju Aneta Micevska i Efto Pupinoski, sepak na krajot se pokažaa tie prognozi kako netočni. Efto za pesnata “Opojna roza” koja sam ja napiša, na tekst od Gjorgji Barbarovski i aranžman od Ljupčo Sokolovski, ne beše nagraden, a Aneta i grupata “Molika” za pesnata “Buket od somneži”, napišana od braќata Barbarovski ja osvoi tretata nagrada. Nekoi smetaat deka so ova Aneta beše oštetena i deka taa beše vo korist na festivalot, no nea festivalot ne i odi vo korist?! Kako i da e sigurni sme deka ovaa kvalitetna pesna barem ќe se najdi na sledniot album od “Molika” pa osven nagradata ќe dopre i do srcata na slušatelite.
Ivana Serafimovska
Vo pesnite što mene mi se dopadnaa bi ja spomenala i pesnata od Duško Georgievski “Dajte pesna nekoja”, napišana od pokojniot Zavkov, na tekst od Ognen Nedelkovski i sekako pesnata od Ivana Serafimovska, “Možebi” od avtorite Orce Lazarov (muzika), Borče Nečovski (tekst) i Nikola Avtovski (aranžman), a od pejačkite debitantki toa beše mladata Gabriela Novevska koja me oduševi so svojot nastap. Taa ja izvede pesnata “Dosta bea tvoite lagi” od orginalniot avtor Risto Krapovski, pa na scenata pokaža kompletna samouverenost i ja osvoi publikata od prva. Gabriela apsolutno ja zalsužuvaše nagradata za najdobar debitant, no očigledno žiri komisijata poinaku rezoniraše.
Gabriela Novevska
E koga sme kaj slavnata žiri komisija nemože, a da ne se zabeleži deka ista ekipa sekoja godina žirira i site toa go prifakaat kako nešto normalno, a vsušnost e nonsens?! I godinava gi slušnav istite iminja izbrani za žiriranje i nemožev da se načudam kolku sme kako nacija bestramni. Pa valjda Makedonija ima mnogu poveќe muzičari od ovie desetmina što se vrtat na site festivali vo žiri sostavot, a postojanoto prisustvo na Cvetanka Laskova vo žiriranjeto pak, nikako ne mi e jasno, osven nejzinata partiska bliskost so gradonačalnikot Pero Kostadinov druga predost ne možam da vidam i navistina se prašuvam po što ovaa pejačka e tolku relevantna da ja ocenuva sekoja godina felata?!
Lobi grupite koi se tolku prisutni na festivalite se vsušnot onoj virus od koj stradaat istite, no za žal site im se plašat na moќnicite pa vnimavaat da ne im se zamerat i zatoa namesto interesni festivalski iznenaduvanja, novi pejači i poinakvi pesni, od godina vo godina gledame reprizi na repirizite i se zadovoluvame so osreden kvalitet i veќe videni i čueni melodii.
Ako nešto godinava bi izdvoila za posebna pofalba toa e sekako osmisleniot show program posveten na neodamna počinatiot avtor Milan Zavkov, vo koj zedoa učestvo skoro site finalisti koi gi peeja proslavenite valandovski hitovi, što ovoj muzički genijalec gi imaše napišano za mnogu legendarni pejaci, pa publikata pola čas uživaše vo prekrasnite refreni. Sepak imaše kritiki i zabeleški na nastapot na minatogodišnata nagradena debitantkam Branka Sokolovska, koja pesnata od Zavkov ja čitaše od telefon i site se prašuvaa kako ne možela eden proslaven hit da nauči napamet, tuku na samata scena go korist telefonot kako potsetnik?! Očekuvame deka Branka ima objasnuvanje za ovaa nejzina postapka koja i donese hejt od publikata. Koga sme kaj scenskoto odnesuvanje i izgled mora da ja spomenam i Vukica Čelebieva koja debitiraše na festivalot so pesnata “Duri plače tvojata gitara”, komponirana od Darko Ilievski na tekst od Milan Milanovski, a posvetena na nejziniot počinat tatko i da naglasam deka izgledaše svetski, so besprekorna stilizacija i so naglasena emotivnost i se prestavi na publikata, pa uspea da go skrene i vnimanieto.
Miško Krstevski
Godinava publikata za svoj favorit go proglasi Miško Krstevski koj kako i sekogaš se pojavi tip – top skockan na festivalskata scena i vo živo so profesionalna superiornost ja otepa “Ema ubava”, od legendarniot Fis, pa pobedi posle podolgo vreme. Negovata pobeda beše pozdavena i od prisutnite i od felata, a avtorot Fis neobavezno ni iskomentira deka e pomalku iznenaden so pobedata, od pričina što najčesto mu zabeležuvale deka pišuva teški i tažni pesni, pa ovoj pat rešil da napiše nešto pevlivo i veselo koe kako što pokaža “krajot” beše “višnata na šlagot”.
Posle festivalot normalno e da ima i zadovolni i nezadovolni, no ne e normalno se da se prifaќa bezpogovorno i da ne postoi kritički osvrt i analiza. Mislam deka tokmu toa treba da i go zabeležam na mojata fela koja se počesto gi prosleduva telegrafski festivalite, pa so toa donekade i e součesnik vo propustite i povtoruvanjata na greškite.
Se nadevam deka slednoto izdanie na “Folk Fest Valandovo” ќe bide ušte podobro, zatoa što ovoj festival toa go zaslužuva, taka što site zabeleški i ovoj pat odat vo kontekst na podobruvanje na samiot festival, a veruvam deka taka i ќe bidat svateni…
Biba KRNČESKA
